शुभ–कामना
नेपाली जनताको सदियौंदेखिको संघर्षको परिणाम स्वरुप आजकै दिन २०६५ साल जेष्ठ १५ गते निरंकुश सामन्ती राजतन्त्रको अन्त्य गरी गणतन्त्र नेपालको घोषणा भएको थियो । हाम्रो पार्टी नेपाल कम्युनिष्ट पार्टी (माओवादी केन्द्र) ९ औं गणतन्त्र दिवसको अवसरमा सम्पूर्ण जनसमुदायमा हार्दिक शुभकामना व्यक्त गर्दछ । साथै महान् सहिदहरु प्रति श्रद्धाञ्जली, वेपत्ता योद्धाहरु प्रति सम्मान र घाइते योद्धाहरु प्रति स्वास्थ्य लाभको कामना गर्दछ ।
जनयुद्ध र जनआन्दोलनको बलमा प्राप्त संविधान सभाको पहिलो बैठकले राजतन्त्रको अन्त्य गर्दै गणतन्त्र नेपालको घोषाणा गरेको थियो । गणतन्त्र प्राप्त भएको नौ वर्षपछि नयाँ संविधान सहित हामी गणतन्त्र दिवस मनाइरहेका छौं । गणतन्त्र, संघीयता, धर्मनिरपेक्षता, समानुपातिक समावेसी सहभागिता जस्ता संविधानमा प्राप्त उपलब्धिहरुलाई संस्थागत गर्दै अगाडि बढ्ने चुनौतिहरु हाम्रा सामु रहेका छन् । प्राप्त उपलब्धिहरुलाई क्रियान्व्यन गर्दै यसका सिमा र कमजोरीहरु बारे जनतालाई सचेत गराउने र क्रान्तिका आगामी कार्यभार पुरा गर्ने अभियानमा एकताबद्ध हुन सम्पूर्ण जनसमुदायलाई अपील गर्दछौं । अन्त्यमा पुन एकपटक गणतन्त्र प्राप्तिको संघर्षमा सहभागी सबैलाई शुभकामना सहित लाल–अभिवादन व्यक्त गर्दछौं ।
१५ जेठ, २०७३
…………
प्रचण्ड
अध्यक्ष
ने.क.पा.(माओवादी केन्द्र)
